يا انة المجروح يا الروح حياتك تروح
الحب فيك يا جميل
معنى الجمال مشروح ياااا
للحب لهيب في الجوف زيو الزناد مقدوح
منو الجبابره تليين
لصوت بلابل الدوووح
و تصاحبو النسمات
تفضل معاها تدوح
من نغمة الاشواق
و محاسن الممدوح
حوريه في السودان بحبي ليكي ابوح
يا عنب جناين النيل
اتمنى منه صبوح
و انشد فؤادي الضال
بين الرياض مذبوح
أرى الهلال في ضلال
تلك الخميله يلوح
أنا لو ضمنتو رضاك اكون سعيد ممنوح
يا من تسر رؤياك
تفرح تنسي النوح
تكسو النهار بحمال
خديك جمال و وضوح
منو الغزاله تقيف
في موقف المفضوح
ناير كحيل نعسان انسان رقيق و جموح
ساحر العيون بجمال
في سواك ما مملوح
ان كان تميس بنميس
ان كان تموج بنموج
عدل الطبيعه جعل
جور الحبيب مسموح
انا اهدي ليك الحب
حب الشحيح للمال
حب الجبان للروح
يا ليلى هوووي يا ليلى
ليلى هوووي يا لييييل